VOV4.Êđê- Tŭ ư klei iêu jak mơ̆ng khua gĭt gai Đảng tal êlâo êpul khua bruă Đảng gưl dlông ala čar Cuba, khua lăn čar ala čar Cuba Miguel Díaz-Canel. Aguah anei, tui si mmông Việt Nam, khua hlăm phŭn bruă kđi čar, khua lăn čar Nguyễn Xuân Phúc ba anăp êpul bi ala kčưm nao čuă ala čar Cuba mơ̆ng hruê 18 -21/9. Nao mbĭt hŏng khua lăn čar hlăm klei nao čuă anei mâo Phan Đình Trạc khua phŭn bruă kđi čar, khua bruă Đảng Gưl dlông, khua êpul bruă ala čar gưl dlông, Bùi Thanh Sơn, khua bruă Đảng gưl dlông, khua phŭn bruă hŏng tač êngao mbĭt hŏng khua gĭt gai dŭm phŭn, dhar bruă gưl dlông.

Anei jing klei nao cuă hƀuê ênuk kyua khua lăn čar Nguyễn Xuân Phúc jing khua gĭt gai ala čar tal êlâo hĭn nao čuă ala čar Cuba leh anăn čar anei mkŏ mjing tŭ jing klei kƀĭn kluôm Đảng tal 8 lehanăn ala čar Việt Nam ăt mkŏ mjing leh klei kƀĭn kluôm Đảng tal 13. Klei nao čuă anei bi êdah klei bi mguôp, klei sa ai mơ̆ng Việt Nam hŏng Cuba. Hlăm klei nao čuă anei srăng bi êlam hĭn klei mjĕ giăm 2 ala čar leh anăn mtrŭt mđĭ grăp klei bi mguôp klă mngač leh anăn mâo boh tŭ dưn hĭn.

Pô mblang: Y-Ƀel Êban