VOV4.Êđê- Bri wưng bi hdơr 60 thŭn hruê pŏk êlan Hồ Chí Minh ti êa ksĭ (23/10/1961-23/10/2021), tlam mbruê, ti sang bruă khua lăn čar, khua lăn čar Nguyễn Xuân Phúc mâo leh klei bi tuôm hŏng êpul bi ala lĭng kahan mphŭn êlan Hồ Chí Minh ti êa ksĭ leh anăn phung bi ala knuă druh, lĭng kahan êa mâo bruă ngă kdlưn hĭn. Blŭ hlăm klei bi tuôm anăn, khua lăn čar mñă klă, bruă pŏk êlan Hồ Chí Minh ti êa ksĭ bi êdah klei thâo hlăm hdră êlan, klei thâo mĭn, klei mngač, klei gĭt gai mơ̆ng Đảng leh anăn Awa Hồ. Bi kơ phung lĭng kahan mphŭn ti êa ksĭ, khua lăn čar hmăng hmưi lŏ bi lar knhuah gru jhŏng ktang hĭng ang mơ̆ng êdeh treng amâo mâo mrô čiăng jing gru mgač lă lar hlăm bruă krŭ kdơ̆ng jhŏng ktang, klei mĭn kjăp, amâo mdei gĭr tĭr rŭ mdơ̆ng gŏ sang, ƀuôn sang, ala čar ƀrư̆ hruê brư̆ mdrŏng sah hĭn.

Pô mblang: Y-Ƀel Êban