VOV4.Êđê - Khua phŭn bruă hŏng tač êngao Bùi Thanh Sơn mâo leh klei bi blŭ hrăm hŏng khua phŭn bruă hŏng tač êngao Singapore Vivian Balakrishnan. Khua phŭn bruă hŏng tač êngao Bùi Thanh Sơn bi myuôm klei đru prŏng prĭn mơ̆ng Singapoer kah leh hŏng Việt Nam, boh nik mâo klei ƀuăn đri kdrăp mdrao mgŭn mdrơ̆ng hŏng klei ruă tưp, hlăm anăn mâo bruă keh Temasek mơ̆ng Singapore đru kơ Việt Nam truh 16 boh masin bi êwa lehanăn dŭm êtuh êbâo kdrăp răng mgang kơ mnuih ngă bruă mdrao mgŭn, yap anei jing bruă bi êdah klei bi mguôp kjăp plah wah dua ala čar. Ti anôk bi blŭ hrăm dua nah, dua čô khua phŭn bruă mâo leh klei bi tŭ ư lŏ mđĭ hĭn klei hgŭm bruă kđi čar, bruă duh mkra mnia mblei, klei duh bi liê, bruă sang hră mơar, lehanăn lŏ hyua kjăp hĭng dŭm hdră êlan mâo kuôl kă leh plah wah dua nah./.

Y Khem pô mblang