VOV4.Êđê - Ti anôk bruă hŏng tač êngao, Khua phŭn bruă hŏng tač êngao Buì Thanh Sơn mâo leh klei bi trông hlăm đĭng blŭ hŏng Khua dlăng bruă Đảng wăl čŏng kiă kruê djuê ana Choang Quảng Tây (Trung Quốc) Lộc Tâm Xã. Khua phŭn bruă Bùi Thanh Sơn mñă klă, Đảng, Knŭk kna leh anăn mnuih ƀuôn sang Việt Nam êlâo êdei jing sa dlăng myuôm klei đĭ kyar bi hgŭm riêng gah, ƀĭng hgŭm hdră bruă kluôm Việt Nam - Trung Quốc, hlăm anăn, nao ai hŏng Phŭn, dhar bruă, alŭ wăl Việt Nam mđĭ ktang klei bi hgŭm hŏng Quảng Tây. Kơ klei bi hgŭm hlăm wưng kơ anăp, Khua phŭn bruă hŏng tač êngao Bùi Thanh Sơn mtă dua tĭng mđĭ lar klei bi trông, bi tuôm gưl dlông hŏng hdră mbruă, mđĭ ktang bi kah mbha klei hâo hưn, hdră êlan djŏ tuôm kơ bruă gang mkhư̆ klei ruă tưp, bi hgŭm gang mkhư̆ klei ruă tưp ti krĭng knông lăn, ba yua dŭm hdră tŭ dưn čiăng mđĭ lar hnơ̆ng đĭ kyar bi hgŭm bruă duh mkra- mnia blei, mjing klei găl kơ mnơ̆ng dhơ̆ng Việt Nam ba čhĭ kơ Trung Quốc.

H Zawut pô mblang