VOV4.Êđê- Ti Hà Nội, Đại tướng Tô Lâm khua phŭn bruă kahan ksiêm drông leh Khua phŭn bruă hŏng tač êngao Australia Marise Payne hlăk hriê čhưn lehanăn mă bruă ti Việt Nam. Ti anăn, ñu bi êdah klei đru mơ̆ng Phŭn bruă hŏng tač êngao Australia, klei bi mguôp plah wah Phŭn bruă kahan ksiêm Việt Nam hŏng dŭm anôk bruă hdră bhiăn Australia hlăm bruă bi kdơ̆ng hŏng phung ngă soh, kiă kriê bruă ñŭ kma mơ̆ng tač êngao, lehanăn bi đru hlăm hdră bhiăn. Dua nah kreh mkŏ mjing jêñ jêñ bruă bi trông êpul khua kčĕ bruă kơ jih bruă mrâo lač, đru bi hâo hưn gang mkhư̆ klei mnuih đuĕ dôk soh hŏng klei bhiăn. Mđĭ hĭn klei bi mguôp dua ala čar, hlăm anăn dua phŭn bruă kahan ksiêm ksiêm Việt Nam lehanăn dŭm êpul bruă Australia. Khua phŭn bruă kahan ksiêm Tô Lâm čang hmăng kơ dua nah lŏ hgŭm kjăp hĭn kơ bruă mnia mblei, bruă duh bi liê kñăm đru bi kơrŭ bruă duh mkra êdei kơ klei ruă tưp, mâo klei hgŭm kjăp hĭn jih jang bruă ngă mâo leh dua nah kuôl kă hgŭm mbĭt kluôm dhuôm Việt nam – Australia wưng thŭn 2020 – 2023./.

Pô mblang: Y-Khem Niê