VOV4.Êđê- Đại tướng Phan Văn Giang, Khua hlăm Phŭn bruă kđi čar, Khua phŭn bruă lĭng kahan drông Park Jae Min, K’iăng Khua phŭn bruă lĭng kahan Hàn Quốc hlăm jar êpul bi ala gưl dlông alab čar anei Việt Nam bi hgŭm hdră êlan lĭng kahan Việt Nam - Hàn Quốc tal 9. Đại tướng Phan Văn Giang bi mklă, hlăm giămk 30 thŭn êgao, yap mơ̆ng leh mkŏ mjing klei bi hgŭm hŏng tač êngao, boh nik leh mkŏ mjing klei bi hgŭm “Ƀĭng hgŭm hdră bruă”, klei bi hgŭm Việt Nam - Hàn Quốc  đĭ kyar ƀrư̆ hruê ƀrư̆ êlam hĭn leh anăn sĭt êdi.

Boh nik bruă duh mkra, mnia blei leh anăn duh bi liê, đru mđĭ kyar bruă duh mkra- ala ƀuôn, hyuă kjăp klei bi hgŭm hdơ̆ng găp leh anăn klei bi hgŭm plah wah mnuih ƀuôn sang leh anăn êpul lĭng kahan dua ala čar. Bi mni kơ klei tŭ Klei bi kƀĭn hdră êlan bruă lĭng kahan Việt Nam - Hàn Quốc tal 9 leh anăn dŭm klei gĭr ktưn, klei tŭ bi hgŭm plah wah Phŭn bruă lĭng kahan dua ala čar hlăm wưng êgao, Khua phŭn bruă Phan Văn Giang čang hmăng hlăm wưng kơ anăp, dua tĭng lŏ dơ̆ng hyuă kjăp hĭn klei bi hgŭm mâo klei tŭ dưn leh anăn sĭt êdi hlăm lu mta bruă.

Pô mblang: H’Zawut Ƀuôn Yă