VOV4.Êđê - Khua phŭn bruă Lŏ hma mđĭ kyar krĭng ƀuôn sang Lê Minh Hoan mâo leh mmông mă bruă hŏng čar Hâụ Giang kơ hdră duh mkra, pla mjing ngă lŏ hma ti alŭ wăl anei. Ti anôk mă bruă, Lê Minh Hoan mtă kơ čar Hậu Giang pral mâo hdră bi mlih klei mĭn mơ̆ng hdră ngă bruă lŏ hma jing hdră duh mkra ngă lŏ hma hluê kdrăp mrâo kñăm mđĭ boh tŭ yuôm mnơ̆ng dhơ̆ng kơ ƀĭng ngă lŏ hma. Hlăk êjai anăn, amâo djŏ knŏng hluê ngă sa gru hmô ƀiădah brei mâo klei bi mguôp lu gru hmô hlăm sa ênhă lăn pla mjing čiăng bi mlih mơ̆ng anôk ngă sa mta bruă jing lu bruă kñăm bi mguôp lu anôk bruă, mơ̆ng anăn mđĭ boh tŭ bruă pla mjing. Hlăm wưng ti anăp, phŭn bruă Lŏ hma mđĭ kyar krĭng ƀuôn sang srăng đru kơ čar Hậu Giang ngă gru hmô “Wăl anôk bi hgŭm bruă tuh tia mkra mjing – ngă lŏ hma mguôp hŏng hdră mđĭ kyar bruă hiu čhưn êngiê lăn êa” kñăm bi mguôp boh tŭ dưn mđĭ kyar bruă duh mkra./.

H Nêč pô mblang