VOV4.Êđê- Kiă kriê klei bi kƀĭn online mdrơ̆ng hŏng angĭn êbŭ mrô 6 tlam hrue mbrue (23/9) ti Hà Nội, K’iăng khua knŭk kna Lê Văn Thành, Khua kiă kriê bruă ala car mdrơ̆ng hŏng klei yan adiê ngă lehanăn dŏng đru mnuih mâo klei truh, rơ̆ng bi mâo klei êđăp ênang kơ jih jang mnuih êjai dôk găn klei ruă tưp ară anei. Klei hâo mdah pral mơ̆ng Êpul bruă ala čar kiă kriê bruă mdrơ̆ng hŏng klei yan adiê ngă lač, ară anei adôk truh 21 boh hô̆ mran mơ̆ng dŭm čar, ƀuôn prŏng msĕ si Đà Nẵng; Bình Định; Quảng Ngãi dôk hlăm krĭng huĭ hyưt, kahan răng mgang hlăm êa ksĭ mbĭt hŏng găp djuê phung đĭ hlăm hô̆ mran dôk iêu duah mtă brei diñu đuĕ kdê hlăm anôk êđăp ênang. K'iăng khua knŭk kna mtă kơ dŭm alŭ wăl msĕ si Đà Nẵng, Quảng Nam mtă bi pral kơ dŭm hô̆ mran adôk đuĕ bi pral mơ̆ng krĭng huĭ hyưt. leh anăn mđing kơ klei hdĭp jih jang phung ƀuôn sang hlăm alŭ wăl ênưih mâo klei klưh hroh, êa lêč, kluh lăn, mprăp klei mbĕ mđuĕ bi mâo klei êđăp ênang kơ mnuih lehanăn ngăn dŏ, mbĭt anăn răng kjăp mơh hŏng klei ruă tưp covid 19./.

Pô mblang: Y-Khem Niê