VOV4.Êđê- K’iăng khua knŭk kna Lê Văn Thành mrâo nao ksiêm dlăng bruă hluê ngă Hdră bruă Sang maĭ pui kmlă êran hŏng êa Hòa Bình pŏk mlar hlăk krĭng anei mrâo tŭ klei hmăi mơ̆ng gưl adiê hjan prŏng hlăm lu hruê êgao. Leh hdră ksiêm dlăng, K’iăng khua knŭk kna Lê Văn Thành lehanăn Êpul ngă bruă mâo leh mmông mă bruă hŏng dŭm Phŭn, dhar bruă čar Hòa Bình, Êpul group pui kmlă Việt Nam.

 Blŭ hrăm klah čŭn ti anôk mă bruă, K’iăng khua knŭk kna Lê Văn Thành lač, klei klưh lăn kbiă hriê mơ̆ng lu mta klei msĕ si Adiê hjan sui, klei mâo mơ̆ng lăn adiê lehanăn mâo sa kdrêč kbiă hriê mơ̆ng klei hluê ngă mkra hdră bruă. K’iăng khua knŭk kna mtă brei rơ̆ng kjăp klei êđăp ênang hdră bruă Sang maĭ pui kmlă êran hŏng êa Hoà Bình, boh nik knơ̆ng knơ̆ng êa Hòa Bình; krơ̆ng kjăp wăl anôk djiêu gah, hdră rŭ mdơ̆ng, rơ̆ng klei êđăp ênang dŭm hdră bruă hlăm krĭng, boh nik Knưng bi hdơr Awa Hô. Hlăm hdră ngă bruă, brei rơ̆ng klei êđăp ênang kơ mnuih mă bruă./.

Pô mblang: H’Nêč Êñuôl