VOV4.Êđê- Aguah mbruê, ti Quảng Ninh, K’iăng khua knŭk kna Lê Văn Thành mbĭt hŏng êpul ngă bruă mơ̆ng knŭk kna mâo leh klei mă bruă hŏng êpul group hdăng boh tâo - mnơ̆ng gŭ lăn Việt Nam kơ bruă mkra mjing, mnia mblei, klei hdĭp mnuih mă bruă hlăm êpul group. Êpul group hdăng boh tâo - mnơ̆ng gŭ lăn Việt Nam mkra mjing, mnia mblei 4 mta bruă phŭn jing: Mkra mjing hdăng, mkra mjing pui kmlă, mnơ̆ng gŭ lăn, mkra mjing puih mtuh hlăm bruă tuh tia hŏng ênoh prăk ba wĭt grăp thŭn êbeh 130 êbâo êklai prăk. Ti anăp klei dleh dưi ksiêm dlăng mơ̆ng klei ruă tưp, ƀiădah êpul group anei ăt ngă jăk bruă klam mdua, prăk ba wĭt mơ̆ng êpul group truh ară anei mâo hlăm brô 96 êbâo êklai prăk, rơ̆ng mâo klei mă bruă hơĭt leh anăn prăk mlan kơ 95 êbâo čô mă bruă. Blŭ hlăm klei mă bruă anăn, k’iăng khua knŭk kna Lê Văn Thành lač, êpul group srăng tuôm hŏng lu klei dleh dlan hruê mmông kơ anăp čiăng mâo êlan mgaih msir msĕ si: Klei găl mă hdăng, mâo đa đa hdră duh bi liê dôk êmưt mkă hŏng hdră čah čuăn, klei ngă bruă ăt dôk mâo lu klei hyưt. Hluê anăn, k’iăng khua knŭk kna mtă, bruă mkra mjing hdăng lŏ mtrŭt mđĭ ktang klei ngă bruă, mđĭ hnơ̆ng ngă bruă, hnơ̆ng tŭ dưn, boh tŭ dưn, klei bi ktưn mơ̆ng dŭm anôk bruă ƀĭng hgŭm.

Pô mblang Y-Khem Niê