VOV4.Êđê - Hruê mbruê, ti Hà Nội mkŏ mjing leh knăm bi hdơr 91 thŭn hruê mkŏ mjing êpul hgŭm phung mniê Việt Nam leh anăn mđup brei klei pah mni kơ phung mniê Việt Nam. nao hgŭm leh anăn blŭ hlăm knăm anăn, k’iăng khua knŭk kna Phạm Bình Minh mâo leh klei hơêč hmưi kơ dŭm êpul êya, grăp čô dưi mâo klei pah mni phung mniê Việt Nam.

Bi êdah klei hmăng hmưi hruê mmông kơ anăp dŭm êpul êya, grăp čô dưi mâo klei pah mni dôk rơ̆ng na nao klei khăp čiăng, klei ngă bruă mlih mrâo, mâo dŭm mta mnơ̆ng dhơ̆ng mơ̆ng Việt Nam hĭng ang tar rŏng lăn. K’iăng khua knŭk kna Phạm Bình Minh mtă kơ dŭm phŭn, dhar bruă, alŭ wăl mâo klei uêñ mĭn, ngă jăk hĭn dŭm hdră êlan hŏng klei đĭ kyar leh anăn klei ngă bruă mơ̆ng phung mniê. Dŭm gưl êpul bruă srăng lŏ mlih mrâo klei ngă bruă, bi lar klei bi mguôp, čŏng bi mguôp hŏng dŭm phŭn, dhar bruă, knơ̆ng bruă čiăng ngă jăk hĭn hdră mkăp “Đru kơ phung mniê kčưm ngă bruă”. čiăng mâo lu hĭn êpul êya, grăp čô phung mniê ngă bruă tŭ jing.

Y Khem pô mblang