VOV4.Êđê - Tlam mbruê, ti anôk bruă knŭk kna, K’iăng khua knŭk kna Vũ Đức Đam gĭt gai leh klei bi kƀĭn hŏng dŭm phŭn, dhar bruă djŏ tuôm lehanăn phung thơ̆ng kơ bruă mdrao mgŭm hlăm klei ksiêm duah, ba jao kdrăp mrâo mrang, lông yua êa drao, mkra mjing êa drao, vaccine gang mkhư̆ klei ruă tưp Covid-19. Hlăm klei bi kƀĭn, pô bi ala phŭn bruă mdrao mgŭn brei thâo, mĭn tĭng hruê anei (15/9) srăng hrăm mbĭt hŏng êpul gơ̆ng đru kcĕ brei hră ngă klei bi kƀĭn ksiêm dlăng lehanăn brei hră dưi yua mjêč hŏng Việt Nam Nanocovax. Blŭ hlăm klei kƀĭn, k’iăng khua knŭk kna Vũ Đức Đam mtă kơ phŭn bruă mdrao mgŭn gĭt gai klei kƀĭn hŏng êpul hgŭm knhuah hdĭp ala čar lehanăn êpul hgŭm đru kčĕ ala čar brei hră dưi yua čiăng dưi bi êdah dŭm klei mtă kơ vaccine klei ruă tưp Covid-19. K’iăng khua knŭk kna Vũ Đức Đam mtă kơ phŭn bruă mdrao mgŭn hnưm ngă bruă lông yua vaccine lehanăn mgaih msir klei dưi kiă kriê êa drao Molnupiravir mdrao klei ruă tưp Covid-19.

Y Ƀel pô mblang