VOV4.Êđê- Tlam mmăt mbruê, ti anôk bruă knŭk kna K’iăng khua lăn čar Võ Thị Ánh Xuân mâo leh klei blŭ hrăm êlan đĭng blŭ hŏng k’iăng khua mil čhil Nigeria Yemi Osinbajo kñăm mtrŭt mđĭ klei bi mguôp 2 ala čar Việt Nam- Nigeria. Hlăm klei blŭ hrăm anăn, 2 čô khua gĭt gai 2 ala čar mñă klă, yap yuôm bhăn leh anăn hmăng hmưi mđĭ hĭn boh tŭ dưn hlăm klei bi mguôp 2 nah hruê mmông kơ anăp. Bi trông kơ dŭm hdră êlan klă klơ̆ng msĕ si: mđĭ klei bi trông dŭm gưl, dhar bruă, boh nik jing dŭm êpul gưl dlông.

2 nah mâo klei bi tŭ ư bi mguôp kjăp leh anăn sa ai hdơ̆ng pô hlăm dŭm klei kƀĭn lu tĭng, boh nik jing Êpul hgŭm lu ala, êpul hgŭm Afrik… Bi kơ klei ruă tưp Covid-19, 2 tĭng mñă klă sa ai leh anăn gĭr ktưn dưi mâo vaccine gang mkhư̆ klei ruă tưp Covid-19 mơ̆ng dŭm ala čar đĭ kyar, ba jao kdrăp mrâo mrang hlăm bruă mkra mjing vaccine.

Pô mblang: Y-Ƀel Êban