VOV4.Êđê- Tŭ ư asăp jak iêu mơ̆ng Khua kiă kriê Êpul hgŭm Liên bang bruă kƀĭn ala Liên bang Nga Valentina Matviyenko, K’iăng khua lăn čar Võ Thị Ánh Xuân djă akŏ Êpul bi ala Việt Nam nao ti Klei bi kƀĭn trông bruă phung mniê krĭng Asi – Ơrôp tal 3 hluê hdră online mơ̆ng hruê 13-15/10. Klei bi kƀĭn trông bruă phung mniê krĭng Asi – Ơrôp tal anei hŏng anăn “Phung mniê: Bruă klam yuôm bhăn hlăm tar rŏng lăn hlăm boh klei mrâo” jak iêu leh klei nao hgŭm mơ̆ng lu phung bi ala hriê mơ̆ng êbeh 100 ala čar lehanăn 20 êpul êya bruă tar rŏng lăn. Blŭ hrăm ti knăm anei, K’iăng khua lăn čar Võ Thị Ánh Xuân bi mni kơ Klei bi kƀĭn trông bruă phung mniê krĭng Asi – Ơrôp đru bi mguôp, kah mbha klei thâo lehanăn mđĭ hĭn bruă klam mơ̆ng phung mniê, bi mni mta phŭn mơ̆ng Klei bi kƀĭn trông mjing leh klei găl čiăng bi trông čhai kơ dŭm klei găl lehanăn lông dlăng hlăm tar rŏng lăn. Hdră tuh tia ênuk mrâo 4.0 lehanăn klei ruă Covid 19 dôk hmăi truh kơ tar rŏng lăn hlăm anăn mâo phung mniê./.

Pô mblang: H’Nêč Êñuôl