VOV4.Êđê- K’iăng Khua knŭk kna Phạm Bình Minh mbĭt hŏng K’iăng Khua knŭk kna, Khua phŭn bruă kriê dlăng bruă knuă hlăm Ala mtao Cmpuchia Xo Khênh hrăm mbĭt gĭt gai Klei bi kƀĭn bi hgŭm leh anăn mđĭ kyar dŭm čar knông lăn Việt Nam - Campuchia tal 11 hluê hdră online. Klei bi kƀĭn bi trông lač kơ boh klei hluê ngă dŭm klei kuôl kă dưi mâo hlăm Klei bi kƀĭn tal 10 mkŏ mjing mlan 1/2019, mbĭt anăn bi trông kơ hdră bi hgŭm plah wah dŭm čar knông lăn Việt Nam – Campuchia hlăm wưng kơ anăp. Blŭ hrăm hlăm Klei bi kƀĭn, dua khua gĭt gai mñă klă wăt tơdah hmaĭ kyua klei ruă Covid-19, klei bi hgŭm dua ala čar ăt krơ̆ng hnơ̆ng đĭ kyar hơĭt kjăp, ƀrư̆ hruê ƀrư̆ mđĭ hĭn klei tŭ dưn bi hgŭm hlăm hdră mdrơ̆ng hŏng klei ruă Covid-19, đru mguôp jăk hlăm bruă ktuê dlăng klei ruă tưp ăt msĕ mơh mđĭ klei krŭ wĭt, mđĭ kyar  bruă duh mkra- ala ƀuôn mơ̆ng dua ala čar leh anăn dŭm čar ti knông lăn.

Pô mblang: H’Zawut Ƀuôn Yă