VOV4.Êđê- Tlam mbrue (29/9), Anôk bruă kiă kriê bruă kđĭ čar hlăm lĭng kahan yang ƀuôn Việt Nam, lehanăn Êpul gơ̆ng bruă hlak mblang gưl dlông mkŏ mjing leh klei bi kƀĭn ksiêm wĭt hdră hgŭm ksiêm duah klei hlak mblang kơ boh sĭt bruă lĭng kahan, hŏng bruă răng mgang lăn čar wưng thŭn 2018 – 2021 lehanăn ksiêm wĭt bruă hgŭm ksiêm duah wưng thŭn 2021 – 2026. Ti anôk bi kƀĭn 2 anôk bruă mâo kuôl kă leh hdră hgŭm wưng thŭn 2021 – 2026. Mơ̆ng anăn, dua anôk bruă srăng hgŭm ksiêm duah ngă bi mngač klei mĭn, klei kiă kriê, hdră êlan mă bruă, klei bhiăn hlue ngă bruă čuăn hlăm lĭng kahan, hlăm bruă răng mgang ala čar Việt Nam yang ƀuôn ngă phŭn êngiê, tui si hdră mtrŭn mal 13 mơ̆ng Đảng, ksiêm bi nik kơ dŭm bruă mrâo hlăm klei răng mgang ala čar, pioh akâo kơ phŭn bruă kđi čar, Êpul khua kiă kriê mơ̆ng dŭm hdră êlan, kơ bruă mkŏ mjing hdră mnêč răng mgang ala čar hlăm boh klei mrâo./.

Pô mblang: Y-Khem Niê