VOV4.Êđê- Hlăm dua hrue 6 lehanăn 7/10, ti ƀuôn prŏng Kontum mkŏ mjing leh klei bi kƀĭn prŏng Êpul hgŭm bruă mniê čar Kontum tal 14, wưng păn bruă 2021 – 2026 mâo truh 182 čô bi ala êbeh kơ 115 êbâo čô mniê hlăm êpul hgŭm kluôm čar.

Bùi Thị Hòa,  K’iăng Khua Êpul hgŭm phung mniê Việt Nam gưl dlông mđup brei pŏk rup mâo boh hră “ Bi hgŭm - Bruă jăk - Mbrưa - Mđĭ kyar”

Wưng leh êgao, Êpul hgŭm bruă mniê čar kontum mâo ngă leh lu bruă mlih mrâo, ba wĭt lu klei tŭ dưn jăk, mâo rŭ mdơ̆ng leh truh 24 boh ƀuôn yap jing “Ƀuôn phung mniê mnuih djuê ƀiă hlăm krĭng ƀuôn sang mrâo” mdơ̆ng mrâo lehanăn mkra wĭt truh 65 boh sang bi đru lkơ 65 gŏ êsei phung mniê dôk hlăm klei dleh dlan, hŏng ênoh prăk jih jang êbeh 2 êklai prăk, mkŏ mjing mâo 60 mta bruă bi hmô kơ klei bi hgŭm, mâo êbeh 1 êbâo čô amai adei hgŭm.

Bi mklă Hdră mtrŭn Klei bi kƀĭn

Klei bi kƀĭn prŏng Êpul hgŭm bruă mniê čar Kontum tal 14, wưng păn bruă 2021 – 2026 mâo ruah leh truh 33 čô jing phung khua bi ala hlăm Êpul khua kiă kriê wưng păn bruă mrâo. Aduôn Y Phương lŏ djŏ ruah jing Khua kiă kriê Êpul hgŭm bruă mniê čar Kontum wưng thŭn 2021 – 2026./.

          Pô mblang: Y-Khem Niê