VOV4.Êđê- Hŏng akŏ jing: Hyuă kjăp hĭn klei bi mguôp bruă kƀĭn ala kyua klei mđĭ kyar kjăp lehanăn mdrơ̆ng hŏng klei dleh dlan kyua klei ruă tưp covid 19, ti alŭ wăl 3 kiêng mđĭ kyar ‘Campuchia – Lao – Việt Nam’, aguah mbrue (23/9) klei bi kƀĭn tal 8 Êpul bruă anei mâo leh Bruă kƀĭn ala Campuchia mkŏ mjing hŏng hdră online. Êpul ngă bruă hŏng tač êngao mơ̆ng Bruă kƀĭn ala Việt Nam mâo Vũ hải Hà, Khua anôk bruă anei ngă khua êpul nao ti anôk bi kƀĭn. Klei bi kƀĭn trông čhai kơ dŭm hdră êlan kluôm kñăm bi đru hdơ̆ng găp mghaih msir djăp mta klei dleh dlan, bi đru knŭk kna rŭ mdơ̆ng krĭng 3 kiêng đĭ kyar kjăp, lŏ kơrŭ wt jih jang bruă knuă leh klei ruă tưp, kñăm đru kơ phung ƀuôn sang lŏ dưi wĭt hlăm klei hdĭp msĕ si yăng đar, mâo klei đĭ kyar jăk mgi dih./.

 Pô mblang: Y-Khem Niê