VOV4.Êđê - Hruê mbruê, khua phŭn bruă hŏng tač êngao Bùi Thanh Sơn leh anăn khua phŭn bruă hŏng tač êngao Australia Marise Payne gĭt gai leh klei blŭ hrăm ASEAN – Australia kơ bruă phung mniê, klei êđăp ênang gưl tal 2 hŏng kƀĭn klă anăp bi mguôp hŏng klei kƀĭn online. Nao hgŭm hlăm klei blŭ hrăm anăn mâo khua kiă kriê ASEAN Lim Jock Hoi mbĭt hŏng phung bi ala dŭm ala čar ASEAN, pô bi ala dŭm ala čar ASEAN leh anăn Australia ti Hà Nội, phung ksiêm hriăm mơ̆ng dŭm anôk bruă ksiêm duah hlăm alŭ wăl. Blŭ pŏk klei blŭ hrăm anăn khua phŭn bruă hŏng tač êngao Bùi Thanh Sơn mñă klă, anei jing mmông găl yuôm bhăn čiăng mtrŭt mđĭ hdră êlan ngă bruă kơ phung mniê, klei êđăp ênang hlăm klei bi mguôp hŏng Australia, kñăm lŏ bi klă bruă klam mơ̆ng phung mniê. Mơ̆ng klei blŭ hrăm ASEAN – Australia gưl tal 1 kơ bruă phung mniê leh anăn klei êđăp ênang mkŏ mjing hlăk mlan 4/2018, Australia mâo leh klei bi mguôp hŏng ASEAN hlăm dŭm bruă anei.

Y Ƀel pô mblang