VOV4.Êđê - Aguah mbruê, ti Hà Nội, êpul ngă bruă pô bi ala mơ̆ng dhar bruă gĭt gai bruă kƀĭn ala mkŏ mjing leh kKlei kƀĭn trông hưn mdah klei thâo leh anăn klei ngă bruă kơ phung bi ala bruă kƀĭn ala gưl 15 djŏ rual tal êlâo. Blŭ pŏk klei kƀĭn trông, k’iăng khua bruă kƀĭn ala Trần Thanh Mẫn mñă klă, phung bi ala bruă kƀĭn ala jing mta kñăm, mâo bruă klam jing kmeh gơ̆ng, bi klă kơ hnơ̆ng tŭ dưn leh anăn boh tŭ dưn hlăm klei mă bruă mơ̆ng bruă kƀĭn ala. Bruă kah mbha, mtô mjuăt klei thâo, klei ngă bruă jing sa hlăm dŭm hdră đru kơ phung bi ala bruă kƀĭn ala dưi mđĭ hĭn klei thâo, klei ngă bruă hlăm anôk bi kƀĭn, dưi bi lar klei thâo, klei găl hlăm grăp čô. Hlăm klei kƀĭn trông anăn, phung bi ala nao hgŭm dưi mâo klei hưn mdah leh anăn kah mbha klei thâo mơ̆ng pô hưn mdah kơ dŭm hdră mkăp msĕ si: ksiêm êmuh leh anăn klei thâo ksiêm êmuh hdră mkăp klei bhiăn, klei blŭ ti anăp lu mnuih, bi trông, bi tăng mgăl leh anăn wĭt lač hŏng bruă klei mrâo hlăm anôk bi kƀĭn./.

Y Bel pô mblang