VOV4.Êđê - Aguah mbruê, ti Hà Nội, êpul bruă duh mkra gưl dlông mkŏ mjing leh klei kƀĭn trông hŏng akŏ “klei mĭn leh anăn bruă ngă čiăng mđĭ kyar ala čar ênuk ară anei thŭn 2030, hdră tă truh thŭn 2045”. Klei bi trông anei kñăm hlăk mblang, kah mbha kơ dŭm boh klei hlăm bruă mđĭ kyar ênuk ară anei hlăm alŭ wăl leh anăn tar rŏng lăn, mơ̆ng anăn dưi mâo klei mĭn leh anăn bruă ngă kơ klei mđĭ kyar ênuk ară anei, tui hriăm klei mrâo mrang, hdră êlan tuh tia dlông rŏng lăn, klei hriăm kơ ala čar Việt Nam ăt msĕ hŏng tar rŏng lăn kơ bruă kčưm klei ngă bruă knuă leh anăn mlih mrâo klei ngă bruă, tă êlan kơ bruă lŏ kơrŭ leh găn klei ruă tưp Covid-19, klei hưn mdah mđĭ kyar bruă tuh tia thŭn 2020 leh anăn dŭm klei hlăk mblang, klei mtă kơ ala čar Việt Nam. Boh nik hlăm bruă tuh tia mkra mjing, hdră mkăp brei ai dưi kñăm mđĭ hnơ̆ng hlăm bruă tuh tia, mtrŭt mđĭ bruă đĭ kyar ala čar ênuk ară anei.

Y Ƀel pô mblang