VOV4.Êđê - Aguah mbruê, ti sang bruă knŭk kna, k’iăng khua knŭk kna Lê Văn Thành gĭt gai leh klei kƀĭn online “ruh mgaih klei dleh dlan, kpăk êgun kơ dŭm knơ̆ng bruă mka mjing hlăm dŭm anôk bruă tuh tia, anôk bruă duh mkra, anôk mkra mjing, anôk mkra mjing hŏng kdrăp mrâo mrang lehanăn dŭm êpul anôk bruă tuh tia.”

Klah čŭn, k’iăng khua knŭk kna Lê Văn Thành mtă kơ dŭm knơ̆ng bruă čŏng mâo hdră êlan krŭ wĭt bruă duh mkra, rơ̆ng klei êđăp ênang kơ mnuih mă bruă hlăm bruă gang mkhư̆ klei ruă tưp truh kơ bruă dŭ mdiăng, bi mguôp hŏng dŭm alŭ wăl čiăng ngă leh bruă tlŏ mgang kơ mnuih mă bruă, ksiêm mkă kman djŏ hŏng hdră bhiăn, rơ̆ng amâo mâo phung F0 hlăm anôk mkra mjing, đua klam ti anăp alŭ wăl, amâo brei mâo klei ruă tưp ti anôk mkra mjing. Mbĭt anăn, mtă kơ phŭn bruă mdrao mgŭn mâo hdră êlan mkăp brei vaccine kơ dŭm alŭ wăl mâo anôk bruă tuh tia, mtô hdră êlan gang mkhư̆ klei ruă tưp rơ̆ng klei êđăp ênang kơ mnuih mă bruă.

Y Bel pô mblang