Ti anôk bi kƀĭn, phung bi ala bi trông kơ dŭm bruă dôk mâo hlăm hdră đru čung ba mnuih ƀuôn sang, mkŏ mkra kjăp hdră jih jang mnuih ƀuôn sang răng mgang klei êđăp ênang lehanăn hluê ngă bruă klam hlăm wưng mrâo. Hŏng khua mduôn, khua ƀuôn, mnuih mâo kơhưm, phung khua kiă kriê klei đăo jing “tur” bi mguôp êpul êya lehanăn kdrông mkŏ plah wah Đảng, bruă knŭk kna, êpul kahan hŏng mnuih ƀuôn sang. Đại tướng Nguyễn Trọng Nghĩa bi mni lehanăn lač jăk klei đru mguôp mơ̆ng êpul mnuih anei hlăm wưng êgao.

Đại tướng bi mklă klei mĭn mơ̆ng Đảng, Knŭk kna lehanăn Lĭng kahan: mnuih ƀuôn sang jing phŭn mơ̆ng dŭm bruă, djăp hdră êlan mtrŭn lehanăn jing ai tiê bi mklă hdră mđĭ kyar, mlih mrâo ala čar. Đại tướng čang hmăng wưng ti amnăp, khua mduôn, khua ƀuôn, mnuih mâo kơhưm, phung khua kiă kriê klei đăo lŏ dơ̆ng mđĭ lar bruă klam, hrăm mbĭt hŏng lĭng kahan, bruă knŭk kna mđing dlăng klei hdĭp, mtô mjuăt čô anak, rơ̆ng klei êđăp ênang ƀuôn sang, mjing tur knơ̆ng kơ klei đĭ kyar kjăp krĭng lăn dap kngư./.