Leh 1 thŭn pŏk ngă Hdră mtrŭn 57 mơ̆ng Phŭn bruă kđi čar, bruă kreh knhâo, kdrăp mrâo, mlih mrâo lehanăn mlih mrô mâo leh boh tŭ dưn, mbĭt hŏng bruă bi leh klei bhiăn, anôk bruă gĭt gai mơ̆ng Gưl dlông truh alŭ wăl. Bi mlih mrô ti ala čar drei mâo leh hnơ̆ng đĭ kyar hŏng dŭm boh tŭ klă sĭt, msĕ si: mrô anôk bruă hâo hưn êlan kbưi dôk 67, hnơ̆ng Internet dôk 18, Knŭk kna điện tử mrô 71…

Boh nik, kơhưm bi mlih mrâo mơ̆ng Việt Nam dôk 44 tar rŏng lăn. Kluôm ala mâo 4 êbâo anôk bruă duh mkra mphŭn čô̆ kơ bruă mrâo. Ti anôk bi kbĭn, Khua gĭt gai Đảng Tô Lâm mñă bruă klam yuôm bhăn, mjing tur knơ̆ng phŭn hlăm hdră kreh knhâo, mlih mrâo lehanăn mlih mrô. Anei jing klei čiăng čiăng mđĭ kyar pral, hơĭt kjăp ala čar hlăm wưng ti anăp. Khua gĭt gai Đảng mdah 7 hdră êlan, ăt jing mta phŭn gĭt gai čiăng kơ dŭm Phŭn, alŭ wăl mđing hluê ngă, mơ̆ng anăn bi mklă hdră êlan thŭn 2026 jing “Hdră bruă tŭ dưn, lar bra boh tŭ”.