Hruê 30/7, Êpul khua bruă Đảng čar Gia Lai mkŏ mjing klei kƀĭnj trông ksiêm wĭt boh tŭ dưn Klei kƀĭn trông tal 12 Êpul Khua bruă Đảng gưl dlông gưl 13 truh kơ êpul knuă dru kmeh gơ̆ng mơ̆ng čar. Hlăm klei kƀĭn trông, Hồ Quốc Dũng, Khua bruă Đảng čar Gia Lai brei thâo, leh ngă bruă mkŏ dăp anôk bruă knŭk kna leh anăn bi mlih jing bruă sang čư̆ êa dua gưl, truh kơ ară anei, bruă sang čư̆ êa ti čar Gia Lai dưi ngă bruă hơĭt kjăp. Čar jao leh kơ gưl ƀuôn hgŭm 1.065 mta bruă. Mnuih ƀuôn sang êjai mâo klei čiăng ngă hră mơar knŏng nao ti bruă sang čư̆ êa ƀuôn hgŭm, lu bruă ngă hlăm internet, mkŏ mjing klei găl leh anăn mkiêt mkriêm hruê mmông.

Hlăm wưng kơ anăp, čar srăng lŏ dơ̆ng mbha gưl ktang hĭn kơ gưl ƀuôn hgŭm. Ƀiădah, ară anei dôk mâo đa đa klei dleh kpăk čiăng pral mngaih msir, boh nik jing klei hiăm, ai dưi mơ̆ng đa đa knuă druh ƀuôn hgŭm. Ară anei, êpul knuă druh ƀuôn hgŭm ti čar Gia Lai mâo 3 êpul: knuă druh mơ̆ng čar, knuă druh mơ̆ng kdriêk leh anăn knuă druh ti anôk anăn. Đa đa knuă druh ka mâo ôh klei hriăm hlăm boh sĭt. Čar dôk mkŏ mjing klei bi hriăm đru kơ knuă druh ƀuôn hgŭm pral dưi găl guôp hŏng bruă mrâo.