Tlam 14/1, Knơ̆ng gĭt gai lĭng kahan čar Dak Lak mkŏ mjing Klei kbĭn hưn mthâo klei bi mklă mơ̆ng Phŭn bruă lĭng kahan klehanăn Knơ̆ng bruă đru kčĕ kơ bruă lŏ mkŏ wĭt Anôk bruă lĭng kahan gưl să, mkăp djŏ hŏng boh klei mrâo.

Ti anôk bi kƀĭn, Kahan krĭng 5 hưn mthâo kehanăn jao klei bi mklă mâo wưng kčah hŏng 102 čô kahan wĭt păn ngă Khua knơ̆ng gĭt gai anôk bruă lĭng kahan să, ƀuôn hgŭm ti alŭ wăl čar Dak Lak. Blŭ ti knăm anei, Khua bruă Đảng čar Dak Lak Lương Nguyễn Minh Triết mñă, bruă ba kahan wĭt ngă bruă ti Anôk bruă lĭng kahan gưl să jing hdră êlan prŏng mơ̆ng Đảng, mâo boh tŭ yuôm hlăm hdră mkŏ mjing êpul kahan kjăp ktang, mbĭt anăn mtă kơ êpul kahan mâo jao bruă mđĭ klei bi hgŭm hŏng bruă Đảng, bruă knŭk kna, mkŏ mjing anôk bruă lĭng kahan kjăp ktang kluôm dhuôm./.