Wưng 2017–2021, čar bi hrŏ leh êbeh 7.400 čô mă bruă knŭk kna; wưng 2022–2026 hrŏ thiăm êbeh 6000 čô mă bruă knŭk kna. Hlue ngă Klei klah čŭn 121 leh anăn Hdră mtrŭn 60, Dak Lăk dăp bi hrŏ 1 anôk bruă knŭk kna gưl čar, 24 gưl kdriêk, 184 să hŏng dŭm êbâo anôk bruă, adŭ bruă. Kyua anăn, hnơ̆ng  jăk ngă bruă mơ̆ng dŭm anôk bruă, alŭ wăl mâo mđĭ, ênoh msir mgaih hră mơar djŏ wưng kčag êbeh 98%, tŭ mă online mâo 75%. Klei bi kƀĭn bruă Đảng dŭm gưl wưng mrâo bi leh hnưm 15 hruê.

Blŭ hrăm hlăm klei bi kƀĭn Khua dlăng bruă Đảng čar Dak Lak Nguyễn Đình Trung mtă brei msir klei kƀah  kơ bruă mbha gưl, anôk bruă kdrăp mrâo hâo hưn, rơ̆ng dŭm hnơ̆ng kčah bruă duh mkra - ala ƀuôn, boh nik bi hrŏ ƀun, brei bi mlih klă mngač plah wah  wưng, tơdah amâo ngă snăn srăng ksiêm dlăng bi mlih phung knuă druh.