Hruê mbruê 16/7, Êpul gơ̆ng bruă ƀuôn sang čar Dak Lak gưl 10, wưng thŭn 2021 – 2026 bi klă hnơ̆ng čuăn, hdră êlan mđĭ kyar bruă duh mrka ala ƀuôn, rơ̆ng kơ bruă lĭng kahan, klei êđăp ênang, gĭr bi leh mta kñăm đĭ kyar 8% hlăm thŭn anei leh anăn bi klă lu mta phŭn yuôm bhăn čiăng hmao ruh mgaih klei dleh dlan kơ bruă sang čư̆ êa alŭ wăl 2 gưl ngă bruă hơĭt kjăp, tŭ dưn. 6 mlan akŏ thŭn, bruă duh mkra ala ƀuôn čar Dak Lak dưi đĭ kyar, mâo êbeh 7%, kluôm hnư hrui wĭt mâo êbeh 8.700 êklai prăk, klei mnia mblei mâo 1.520 êklăk dolar Mi…

6 mlan knhal jih thŭn, Dak Lak gĭr mâo klei đĭ kyar bruă duh mkra 8,64%, bi hrŏ gŏ sang ƀun mơ̆ng 3% kơ dlông.

Hlăm klei kƀĭn, Êpul gơ̆ng bruă ƀuôn sang čar Dak Lak ksiêm dlăng, bi klă dŭm hdră mtrŭn: mkra mlih klei tĭng mkă ngăn prăk alŭ wăl, mkra mlih hdră êlan duh bi liê bruă knŭk kna, bi mbŏ klei tĭng mkă ngăn prăk bi liê kơ dŭm hdră ala čar kñăm, ba mdah hdră êlan đru kơ phung knuă druh, phung mă bruă ti dŭm anôk bruă knŭk kna mrâo, čoh ênoh bi liê kơ bruă dhar kreh, klei kdŏ mmuñ, mtrŭt mđĭ klei mă bruă knuă…

Hlue si Hdră mtrŭn mơ̆ng Êpul gơ̆ng bruă ƀuôn sang čar Dak Lak mrâo bi mklă, knuă druh, phung mă bruă knŭk kna leh anăn mnuih mă bruă hlăm dŭm anôk bruă Đảng, Knŭk kna, mặt trận čar kwar  Việt Nam, dŭm êpul bruă kđi čar - ala ƀuôn mâo jao bruă klam nao mă bruă ti anôk bruă knŭk kna čar Dak Lak (leh bi mŭt hŏng čar Phú Yên) leh anăn anôk bruă knŭk kna gưl să srăng đru prăk bi liê găn êrô, prăk mưn s ang leh anăn ênoh đru sa blư̆. Klă klơ̆ng, phung nao mă bruă ti anôk bruă knŭk kna čar srăng mâo đru tal êlâo 2 êklăk prăk, leh anăn grăp mlan đru 2 êklăk prăk êrô wĭt, 3 êklăk prăk mưn sang dôk. Hŏng pphung mă bruă ti anôk bruuă knŭk kna gưl  să, hnơ̆ng đru hlue si boh kbưi găn êrô, mơ̆ng 500 êbâo prăk truh 2 êklăk prăk/mlan/ čô leh anăñ 1,5 êkklăk prăk/čô/mlan prăk mưn sang (tơdah kbưi êbeh 30 km) leh anăn 1 êklăk prăk đru sa blư̆. Wưng ngă hdră êlan đru jing 12 mlan.