Dŭm mta mnơ̆ng mâo ksiêm dlăng kjăp hluê Hdruôm hnơ̆ng čuăn OCOP, mbĭt anăn nao ksiêm dlăng boh sĭt ti anôk mkra mjing kñăm rơ̆ng klei kla mngač djŏ hdră bhiăn. Hdră bi mklă mđing kơ hnơ̆ng tŭ jăk, hdră mkra mjing, bi mklă phŭn agha, hruh đŭng lehanăn klei thâo mkŏ mkra anăn knăl mơ̆ng grăp anôk bruă.

Hlăm 10 mta mnơ̆ng djăp 4 mtŭ, mâo: 6 mta kphê đeh kwă lehanăn kphê jăk, 1 mta ƀêñ bọt lọc Đạt lý, 2 mta ƀung krô Chi Lăng lehanăn Phở khô Chi Lăng lehanăn 1 mta mnơ̆ng mơ̆ng boh čêñ hruê̆ mtah. Truh ară anei, kluôm čar Dak Lak mâo leh 764 mta mnơ̆ng OCOP, hlăm anăn mâo 2 mnơ̆ng 5 mtŭ, 60 mnơ̆ng 4 mtŭ. Lu mnơ̆ng phŭn msĕ si kphê, cacao, makka, boh kroh ti alŭ wăl dôk bi mklă kơhưm hlăm wăl anôk mnia mblei lehanăn mđing truh kơ hdră ba čhĭ kơ ala tač êngao./.