Hŏng akŏ “Phung êdam êra ba anăp, čŏng ngă bruă kyua klei hdĭp êpul êya”, lu bruă ngă dưi mkŏ mjing hrăm mbĭt hlăm kluôm čar msĕ si Knăm kjuh mtah, hruê ngă bruă kyua mkŏ mkra ƀuôn prŏng jăk siam, trŭn ngă bruă êpul đru bi mlih mrô hlăm êpul êya. Êpul hgŭm phung êdam êra Việt Nam čar Dak Lak brei thâo mơ̆ng 3 hruê kăm pŏk ngă bruă ngă mlan êdam êra, mâo leh giăm 220 êpul ngă bruă, hlue ngă êbeh 200 hdră bruă ti dŭm alŭ wăl mnuih ƀuôn sang.

Giăm 160 êpul kơ hdră mrô mâo mkŏ mjing, đru mtô mblang klei thâo yua hdră mrô kơ mnuih ƀuôn sang. Phung êdam êra kluôm čar ăt mguôp prăk, hruê ai mă bruă mdơ̆ng 25 boh sang hlăm hdră hrăm mbĭt lăm lui sang tĭ, ƀrôč. Phung mda asei kluôm čar pŏk ngă leh Hdră mtrŭn mrô 57-NQ/TW mơ̆ng Phŭn  bruă kđi čar kơ klei mđĭ kyar kreh knhâo, kdrăp mrâo, mlih mrâo mbruă leh anăn mlih mrô ala čar.