Dak Lak mđĭ hdră gang mkhư̆ klei mnơ̆ng ƀơ̆ng mgưt
Thứ bảy, 09:02, 10/05/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê – Anôk bruă sang čư̆ êa čar Dak Lak mâo leh hră mơar gĭt gai dŭm knơ̆ng, dhar bruă, alŭ wăl mđĭ hdră rơ̆ng kjăp klei doh êƀăt mnơ̆ng dhơ̆ng, gang mkhư̆ klei ƀơ̆ng djŏ mnơ̆ng ruă lehanăn msir mghaih ktang klei ngă soh.
Čar dôk mđĭ hdră ksiêm dlăng klei doh êƀăt mnơ̆ng dhơ̆ng ti dŭm anôk tŭk knă hlăm sang hră, wăl tuh tia mkra mjing, anôk hiu čhưn ênguê, anôk mkra mjing, čhĭ mnơ̆ng dhơ̆ng, mnơ̆ng ƀơ̆ng ktuê êlan ƀuôn prŏng…
Boh nik, brei mđing kơ dŭm mta mnơ̆ng dhơ̆ng mâo êpul djŏ tuôm hmao ƀuh leh klei ngă soh hlăm wưng êgao. Anôk bruă sang čư̆ êa čar Dak Lak ăt mtă kơ dŭm êpul djŏ tuôm mđĭ hdră ksiêm dlăng wăl anôk mnia mblei, boh nik dŭm mta mnơ̆ng răng mgang klei suaih pral, êa ksâo lehanăn êa drao dôk ba čhĭ hlăm hla pŏk web. Jih klei ngă soh srăng ba phat mkra lehanăn hưn mthâo hlăm kdrăp hâo hưn čiăng mđĭ klei răng hlăm mnuih ƀuôn sang./.
Viết bình luận