Hluê Anôk bruă đăo knăl yan adiê ala čar, hlăm dŭm hruê êgao, ti alŭ wăl čar Dak Lak mâo hjan man dưn, mâo anôk jhat prŏng, huĭ srăng mâo klei êa lip lêč, êa kluh ti dŭm hnoh krông lehanăn ngă klei klưh lăn ti ping čư̆ hlăm 11 kdriêk mơ̆ng čar. Hlăm hră anei, Knơ̆ng bruă Lŏ hma mđĭ kyar krĭng ƀuôn sang Dak Lak mtă kơ Anôk bruă sang čư̆ êa dŭm kdriêk, wăl krah, ƀuôn prŏng ksiêm dlăng kjăp klei đăo knăl yan adiê, hâo hưn kơ klei adiê hjan, êa lip, êa kluh, klưh lăn, pral mkăp djăp klei hâo hưn truh kơ bruă knŭk kna, mnuih ƀuôn sang thâo kñăm pral mâo hdră mdrơ̆ng, bi hrŏ klei luič liê.

Dŭm alŭ wăl dôk hlăm krĭng brei mđing răng, msĕ si: kdriêk Lăk, Krông Ana, Krông Bông, Êa Sup, brei ba nao êpul kăp ksiêm dlăng krĭng mnuih ƀuôn sang dôk, djiêu hnoh êa, krĭng trăp, krĭng huĭ mâo klei êa lip, êa lêč kluh, klưh lăn čiăng pral mâo hdră mdrơ̆ng, mkŏ mjing hdră mbĕ mnuih ƀuôn sang krĭng huĭ hyưt nao dôk kơ anôk êđăp ênang./.