Nao čuă, hơêč hmưi Tết ti Adŭ bruă kahan ksiêm knhăk - kahan ksiêm čar Kon Tum, K'iăng khua bruă kƀĭn ala Trần Quang Phương mâo klei mtă phung knuă druh lĭng kahan mprăp drông Tết, boh nik mâo nanao ai tiê thâo răng, mprăp kơ klei bi blah răng mgang klei êngiê hlăm ƀuôn sang êlâo, hlăm lehanăn êdei kơ  Tết Nguyên đán Ất Tỵ 2025. Bi ala kơ Đảng, knŭk kna, K'iăng khua bruă kƀĭn ala mâo leh klei hơêč hmưikơ lĭng kahan mbĭt hŏng găp djuê digơ̆ sa thŭn mrâo mâo klei jăk jĭn, yâo mơak, ngă bruă bi leh bruă Đảng, knŭk kna lehanăn mnuih ƀuôn sang jao.

Êlâo anăn, K’iăng khua bruă kƀĭn ala Trần Quang Phương mbĭt hŏng êpul ngă bruă nao čuă lehanăn hơêč hmưi  Tết Nguyên đán Ất Tỵ 2025 Amĭ Việt Nam Anh hùng Đặng Thị Thu, ti ƀuôn hgŭm Duy Tân, ƀuôn prŏng Kon Tum; nao čuă gŏ sang Sô Lây Tăng, Khua hlăm êpul kiă kriê bruă Đảng êlâo dih, Khua bruă Đảng čar êlâo dih, Khua êpul phung bi ala bruă kƀĭn ala čar  Kon Tum êlâo dih. Hue anăn mơh 14/1, k’iăng khua bruă kƀĭn ala Trần Quang Phương mbĭt hŏng êpul ngă bruă nao čuă hơêč hmưi Tết bruă sang čư̆ êa, mnuih ƀuôn sang să Sa Loong lehanăn phung knuă druh lĭng kahan ti kdriêk knông lăn Ngọc Hồi, čar Kon Tum. Ti ƀuôn prŏng Kon Tum nao čuă lehanăn hơêč hmưi tết bruă Đảng čar, knơ̆ng bruă sang čư̆ êa car, knơ̆ng bruă kiă kriê kahan čar, knơ̆ng bruă kiă kriê kahan răng mgang knông lăn čar, lehanăn kahan ksiêm čar Kon Tum./.