Bi mni kơ dŭm boh tŭ Trung đoàn kahan ksiêm knhăk Lăn dap kngư dưi mâo hlm wưng êgao, Kơiăng khua lăn čar Võ Thị Ánh Xuân mtă kơ Trung đoàn lŏ dơ̆ng mđĭ lar knhuah gru êpul êya Jhŏng ktang, sĭt suôr hŏng Đảng, Knŭk kna lehanăn mnuih ƀuôn sang, hgŭm mguôp, sa ai hlăm klei mĭn lehanăn bruă ngă. Mđing mkŏ mkra êpul kahan ksiêm knhăk “Klă sĭt kpă ênuah, kjăp ktang, knhâo, thâo, mrâo mrang, mkăp djŏ hŏng klei ciăng hlăm boh klei mrâo”.

Ngă jăk hdră mjuăt bi hriăm knhuah kđi čar, knhuah gru êpul, hluê ng tŭ dưn 6 klei Awa Hô mtô mtă kơ Kahan ksiêm yang ƀuôn, gĭr hriăm hră, mjuăt bi hriăm hlăm djăp mta ra bruă čiăng bi kjăp bruă kđi čar, jih ai tiê sĭt suôr hŏng Đảng, hŏng Ala čar lehanăn ngă bruă kyua mnuih ƀuôn sang. Nao hgŭm mđĭ kyar bruă duh mkra – ala ƀuôn, rơ̆ng klei êdăp ênang ala ƀuôn, mđing truh kơ dŭm hdră bruă msir lăm sang tĭ ƀrôč, sang dôk êjai ti alŭ wăl, boh nik hlăm krĭng mnuih djuê ƀiă./.