Hmư̆ klei hưn mdah, Khua gĭt gai Đảng Tô Lâm bi myuôm dŭm boh tŭ dưn čar Bắc Ninh dưi mâo hlăm dŭm mta bruă. Mbĭt hŏng anăn ktrâo klă dŭm klei găl mâo mơ̆ng alŭ wăl. Khua gĭt gai Đảng Tô Lâm mñă hlăm wưng kơ anăp, Bắc Ninh lŏ dơ̆ng kriê dlăng bruă mkŏ mjing, ƀuah mkra hlăm Đảng, bruă kđi čar, mlih mrâo hdră gĭt gai, čiăng kơ hdră êlan mơ̆ng Đảng mŭt hlăm klei hdĭp. Ti anăp gĭt gai tŭ jing klei kƀĭn Kluôm bruă Đảng dŭm gưl leh anăn klei kƀĭn kluôm bruă Đảng čar gưl tal 21, wưng thŭn 2025 – 2030, lŏ dơ̆ng hluê ngă bruă mkŏ dăp bruă kđi čar alŭ wăl khuăt, ngă bruă tŭ dưn, hluê si hdră kčah mtrŭn mơ̆g gưl dlông.

Khua gĭt gai Đảng ăt mñă kơ čar Bắc Ninh kriê dlăng, mđĭ hnơ̆ng klei hdĭp mnuih ƀuôn sang hlăm alŭ wăl, kriê pioh leh anăn mđĭ kyar knhuah gru dhar kreh alŭ wăl. Ƀri wưng mprăp drông Nguyên đán Ất Tỵ 2025, Khua gĭt gai Đảng Tô Lâm nao čuă leh anăn  hơêč hmưi tết mnuih mă bruă leh anăn mâo asăp mtrŭn mphŭn rŭ mdơ̆ng sang kkuh kơ Awa Hồ leh anăn war mnga Văn Miếu ti ƀuôn prŏng Bắc Ninh.