Khua knŭk kna Phạm Minh Chính bi mni kơ klei bi hgŭm, klei đru mơ̆ng Russia hŏng Việt Nam hlăm bruă mtô phung kreh knhâo, phung thơ̆ng kơ bruă hlăm bruă năng lượng nguyên tử; mkra mjing, ba yua kpur hạt nhân Đà Lạt; mđĭ kyar anôk bruă krĭng hlơr Việt- Russia; mkăp êa drao, mta phóng xạ kơ klei ksiêm dlăng, mdrao klei ruă brŭ.

 Khua knŭk kna akâo kơ Russia leh anăn Êpul grup Rosatom lŏ dơ̆ng bi hgŭm, đru kơ Việt Nam, amâo djŏ knŏng mđĭ kyar pui kmlă hạt nhân ôh ƀiădah lŏ mđĭ kyar bruă kreh knhâo kdrăp mrâo hạt nhân kyua hdră kñăm klei êđăp ênang, mđĭ kyar bruă duh mkra- ala ƀuôn. Khua êpul grup Alexey Likhachev brei thâo, Rosatom srăng bi hgŭm, đru kơ Việt Nam mkŏ mjing sang pui kmlă hạt nhân; mkŏ mjing anôk bruă hạt nhân mrâo; ba jao kdrăp mrâo; ba jao mnơ̆ng dhơ̆ng hạt nhân kơ Việt Nam.