Kñăm rơ̆ng doh êƀăt mnơ̆ng ƀơ̆ng hlăm gưl Knăm mơak Mlan Pur thŭn anei, Knơ̆ng bruă sang čư̆ êa čar Dak Lak mâo leh Hdră mtrŭn mkŏ mjing 2 êpul ksiêm dlăng mlir dhar bruă kơ klei doh êƀăt mnơ̆ng ƀơ̆ng hlăm gưl Knăm mơak mlan pur thŭn 2024 ti ƀuôn prŏng Ƀuôn Ama Thuôt, wăl krah Ƀuôn Hồ, dŭm kdriêk Krông Pač, Ea Kar, Čư̆ Kuiñ leh anăn Lăk. Wưng ksiêm dlăng mơ̆ng hruê 11-13/9.

Hdră ksiêm dlăng, 2 êpul srăng ksiêm dlăng bruă hlue ngă hdră bhiăn kơ klei doh êƀăt mnơ̆ng ƀơ̆ng mơ̆ng dŭm anôk mkra mjing, mnia blei mnơ̆ng ƀơ̆ng ti čar, mă mta ksiêm mkă klei doh êƀăt mnơ̆ng ƀơ̆ng. Êpul srăng bi mguôp hâo hưn, ktrâo lač kơ hdră bhiăn, klei thâo kơ bruă rơ̆ng doh êƀăt mnơ̆ng ƀơ̆ng kơ phung mkra mjing, mnia blei, ba yua mnơ̆ng ƀơ̆ng.