Leh 7 thŭn hluê ngă hdră mtrŭn mrô 36, Bruă Đảng čar Dak Lak ba mdah leh 7 hdră ngă bruă klă klơ̆ng, bi klă 6 hdră kdlưn hĭn; Bruă sang čư̆ êa čar leh anăn dŭm knơ̆ng, dhar bruă ba mdah lu hdră êlan, hră mơar gĭt gai, ƀrư̆ ƀrư̆ bi kluôm hdră êlan mđĭ kyar bruă duh mkra êa ksĭ. Lương Nguyễn Minh Triết, Khua bruă Đảng čar Dak Lak mñă hlăm wưng kơ anăp, kluôm čar srăng bi mlih klei mĭn mơ̆ng “trah mă” jing “bruă duh mkra êa ksĭ hơĭt kjăp”, mă răng mgang wăl hdĭp mda êa ksĭ jing tur knơ̆ng.

Hlăm anăn, mđing lăm lui “Hră kñĭ” IUU, kiă kriê kjăp kŭm păn, tui duah phŭn agha kan hdang, mkŏ mjing bruă trah mă kan hdang mâo bruă đua klam, nŭ kma tar rŏng lăn. Khua bruă Đảng čar Dak Lak mñă ktang dŭm kmeh gơ̆ng bruă duh mkra êa ksĭ čar srăng kñăm, msĕ si bruă hiu čhưn ênguê hnơ̆ng jăk, bruă tuh tia mkra mjing, ba čhĭ kan hdang, logistics êa ksĭ, kdrŭn ksĭ, pui kmlă doh ti êa ksĭ. Klei năng mđing jing mđĭng truh mđĭ kyar nao mbĭt hŏng knhuah gru leh anăn răng mgang wăl hdĭp mda.