Hlăm mmông mă bruă, Khua gĭt gai Đảng, Khua Lăn čar Tô Lâm bi myuôm dŭm boh tŭ dưn yuôm bhăn, kluôm dhuôm mơ̆ng bruă Đảng čar, Bruă sang čư̆ êa leh anăn mnuih ƀuôn sang Hà Tĩnh dưi mâo leh hlăm wưng êgao. Hlăm wưng kơ anăp, Khua gĭt gai Đảng, Khua Lăn čar Tô Lâm mñă, čar Hà Tĩnh čiăng ktang phĭt bi mlih klei mĭn, hdră tă leh anăn hdră êlan gĭt gai, mkŏ mjing hdră êlan mđĭ kyar kdlưn hĭn, mă klei đĭ kyar pral leh anăn hơĭt kjăp jing tur knơ̆ng, mă anak mnuih jing mta kñăm, klei kreh knhâo mrâo mrang, mlih mrâo mbruă leh anăn bi mlih mrô jing boh kdrŭt kmeh gơ̆ng, hluê ngă tŭ dưn hdră mtrŭn mrô 57 mơ̆ng Phŭn bruă kđi čar čiăng mkŏ mjing klei bi mlih sĭt kơ hnơ̆ng jăk mnuih mă bruă.

Khua gĭt gai Đảng, Khua Lăn čar Tô Lâm đăo knang, hŏng klei jhŏng, klei thâo mĭn leh anăn klei hmăng hmưi kpưn đĭ, bruă Đảng čar, Bruă sang čư̆ êa leh anăn mnuih ƀuôn sang Hà Tĩnh srăng lŏ dơ̆ng bi mguôp, mlih mrâo, bi lar ai tiê “ênai hgơr Xô Viết Nghệ Tĩnh ” kpưn đĭ pral, kluôm dhuôm, hơĭt kjăp, đru mguôp năng hŏng klei đĭ kyar mbĭt mơ̆ng lăn čar.