Leh hmư̆ klei blŭ bi trông, blŭ hrăm klah čŭn kơ bruă mkra mlih, thiăm mbŏ dŭm mta hlăm Klei čih mkra Hdră bhiăn jia, Kơiăng khua anôk bruă kƀĭn ala Nguyễn Thị Hồng lač, Dhar bruă gĭt gai Anôk bruă kbĭn ala tŭ ư brei ksiêm dlăng, mkra mlih, thiăm mbŏ dŭm mta hlăm Hdră bhiăn Jia mâo: Prăk jia hrui wĭt mdê bi pô, Hdră bhiăn Jia mđĭ boh tŭ yuôm ba čhĭ mnơ̆ng, Hdră bhiăn hrui wĭt mơ̆ng anôk bruă duh mkra lehanăn hdră bhiăn Jia hrui wĭt mdê hjăn kñăm bi sĭt dŭm hdră mtrŭn mơ̆ng Đảng kơ bruă bi mlih mtah, bi mlih bruă pui kmlă, mđĭ kyar bruă duh mkra êngao knŭk kna lehanăn mta kñăm mđĭ kyar dua mrô mguôp hŏng bruă bi hơĭt hdră duh mkra kluôm.

Mbĭt anăn, rơ̆ng hdră đru hŏng dŭm gŏ sang ngă bruă mnia mblei lehanăn anôk bruă duh mkra điêt, man dưn, mđĭ klei bi knar, đru bi mklă hdră blei yua, mtrŭt mđĭ klei ba yua kdrăp jăk hŏng wăl hdĭp mda, bi hrŏ klei bi kbiă êwa jhat, mđing truh kơ hdră mđĭ kyar hơĭt kjăp./.