Blŭ hrăm hŏng phung bi ala, Khua gĭt gai Đảng, Khua Lăn čar Tô Lâm mñă klă, hlăm dŭm thŭn êgao, ti gŭ klei gĭt gai mơ̆ng Đảng, Knŭk kna, klei nao hgŭm mơ̆ng bruă kđi čar, mbĭt hŏng klei gĭr mơ̆ng dŭm alŭ wăl leh anăn mnuih ƀuôn sang, bruă kriê pioh leh anăn bi lar dhar kreh dŭm djuê ana dưi mâo lu boh tŭ dưn yuôm bhăn, mkŏ mjing klei mlih ktang wăt hlăm klei mĭn leh anăn klei hdĭp yang ƀuôn.

Yuôm hĭn kơnăn, bruă kriê pioh dhar kreh ƀrư̆ bi mguôp kjăp hĭn hŏng yang ƀuôn. Hlăm wưng kơ anăp, Khua gĭt gai Đảng, Khua Lăn čar Tô Lâm mñă leh anăn hmăng hmưi, phung thâo mbruă lŏ dơ̆ng mtô kơ phung mda asei čiăng kơ klei blŭ, ênhiang mmuñ, bruă mă đưm dưi dôk nanao hlăm klei hdĭp ară anei. Dưi lač,  adôk klei blŭ, adôk dhar kreh, adôk dŭm ênhiang mmuñ, klei djŏ - jing mngăt êwa djuê ana, mbĭt anăn čiăng uêñ mĭn, mkŏ mjing klei găl čiăng kơ dhar kreh nao mbĭt hlăm klei hdĭp, mâo wăl anôk kriê pioh leh anăn mđĭ lar, čiăng kơ grăp čô mnuih ƀuôn sang, grăp êpul êya klă sĭt jing pô kriê pioh leh anăn mđĭ kyar dhar kreh.