Bruă sang čư̆ êa čar Gia Lai mrâo mkŏ mjing klei kƀĭn trông dŭm boh klei djŏ tuôm hŏng bruă ruh mgaih anôk ala Êlan dơ̆ng êran pral Quy Nhơn-Pleiku.Lu klei kpăk gun klă klơ̆ng dưi thâo kral, čiăng mâo klei gĭr prŏng, mđing truh bi leh êlâo kơ hruê 30/4 thŭn anei.Bi kơ dŭm klei kpăk, ênoh čiu tla hluê hdră mtrŭn 30/2025 mơ̆ng Bruă sang čư̆ êa čar Gia Lai ƀiă hĭn mkă hŏng ênoh anôk mnia mblei, ngă truh klei dleh dlan hlăm bruă mtrŭt mjhar mnuih ƀuôn sang ba jao anôk ala.

K’iăng khua Bruă sang čư̆ êa čar Gia Lai Nguyễn Tự Công Hoàng mña kơ dŭm alŭ wăl, anôk bruă mtrŭt mđĭ pral ruh mgaih anôk ala klă mngač, djŏ hdră bhiăn, mbĭt anăn hnưm dăp anôk dôk mrâo, gĭr jao lăn êlâo kơ hruê 30/6, rơ̆ng klei găl čiăng êdi. Êlan dơ̆ng pral Quy Nhơn – Pleiku (čar Gia Lai) mâo boh taih 125km, mâo 4 grông êlan êdeh, êran prak 100km/mmông, găn 16 să, ƀuôn hgŭm mơ̆ng čar Gia Lai. Kluôm êlan mâo 4.789 gŏ sang hmăi djŏ, hlăm anăn hlăm brô 620 gŏ sang čiăng dăp anôk dôk mrâo, mbĭt hŏng êbeh 6300 bruă mkŏ mkra čiăng mbĕ đuĕ.