Hruê anei 20/4, Bruă Kbĭn ala gưl 16 kčưm gưl tal 2 klei kƀĭn tal 1.Knŭk kna srăng hưn mdah bruă mkŏ mjing ƀuôn prŏng Đồng Nai hlăm gưl dlông.Gưl tal 2 klei kƀĭn tal 1, Bruă Kbĭn ala gưl 16 mơ̆ng mjing mơ̆ng hruê anei truh jih hruê 23/4. Bruă Kbĭn ala srăng brei klei blŭ mguôp lu mta phŭn yuôm bhăn leh anăn ngă klei bi klă dŭm hdră bhiăn mâo leh phung bi ala Bruă Kbĭn ala brei klei blŭ mguôp gưl tal 1.

Hluê si hdră, aguah anei, Khua phŭn bruă dhar kreh, mjuăt asei mlei leh anăn hiu čhưn ênguê, mâo klei dưi mơ̆ng Khua Knŭk kna, srăng hưn mdah hră mơar kơ hdră mtrŭn mơ̆ng Bruă Kbĭn ala kơ đa đa hdră êlan kldưn hĭn mđĭ kyar dhar kreh Việt Nam. Ăt hlăm aguah anei, phung bi ala bi trông hlăm êpul kơ hdră mtrŭn mơ̆ng Bruă Kbĭn ala kơ đa đa hdră êlan kdlưn hĭn mđĭ kyar dhar kreh Việt Nam, hdră mtrŭn mơ̆ng Bruă Kbĭn ala kơ bruă lông ngă hdră bruă luật sư mơ̆ng Knŭk kna; hdră mtrŭn mơ̆ng Bruă Kbĭn ala kơ bruă mkŏ mjing ƀuôn prŏng Đồng Nai hlăm gưl dlông.