K’iăng khua knŭk kna Hồ Quốc Dũng kiă kriê leh klei bi kƀĭn kơ hdră êlan kdrăp mrâo lehanăn dŭm ênoh mnơ̆ng hlăm hdră êlan mrâo
Thứ ba, 09:47, 21/04/2026
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Aguah mbrue 20/4, ti anôk bruă knŭk kna, K’iăng khua knŭk kna Hồ Quốc Dũng kiă kriê leh klei bi kƀĭn dăp ênoh prăk mrâo, lehanăn mnơ̆ng mơ̆ng dŭm hdrăp mrâo hlăm hdră mă bruă.
Leh dŭm êpul êya mâo klei hâo mdah, klei blŭ klah čŭn, K’iăng khua knŭk kna Hồ Quốc Dũng mñă, bruă mđĭ kyar kdrăp mrâo, nao mđrĭng hŏng klei mđĭ kyar lăn čar jing bruă yuôm bhăn, hlăm anăn dŭm phŭn dhar bruă mđing duh bi liê, mghaih msir klei dleh, dưn yua jih klei găl bi kjăp hĭn jih jang hdră êlan mă bruă.
K’iăng khua knŭk kna mtă hlăm mlan 4/2026: Mkŏ mjing dŭm êpul bruă djŏ tuôm, lehanăn mâo klei akâo ngăn prăk. Mbĭt anăn, dŭm phŭn dhar bruă Kreh knhâo, lehanăn kdrăp mrâo, phŭn bruă ngăn prăk, phŭn bruă sang hră mơar mđing hĭn bruă mjuăt bi hriăm mnuih mă bruă, bi leh jih jang klei bhiăn kơ ngăn prăk. Phŭn bruă sang hră mơar bi mâo hdră êlan bi mđĭ ai klei mjuăt bi hriăm mnuih mă bruă./.
Viết bình luận