Kñăm mđĭ hnơ̆ng jăk mnuih mă bruă nah gŭ
Thứ tư, 08:00, 22/04/2026
Y-Bel Êban/VOV Tây Nguyên
Y-Bel Êban/VOV Tây Nguyên
VOV.Êđê- Lŏ dơ̆ng hlăm klei kƀĭn tal 1, hruê 21/4, Bruă Kbĭn ala lŏ dơ̆ng bi trông ti anôk bi kƀĭn kơ bruă bi mbŏ boh tŭ dưn hluê ngă hdră êlan mđĭ kyar bruă duh mkra ala ƀuôn leh anăn ngăn prăk Knŭk kna thŭn 2025, boh sĭt hluê ngă bruă klam mđĭ kyar bruă duh mkra ala ƀuôn 5 thŭn 2026 - 2030, bruă hluê ngă klei mkiêt mkriêm, gang mkhư̆ klei luč liê mang 2025, boh sĭt hluê ngă hdră ala čar kñăm kơ klei mtăp mđơr êkei mniê thŭn 2025.
Hlăk mblang kpăk dŭm klei lông dlăng hŏng bruă duh mkra, phung bi ala bi Bruă Kbĭn ala bi êdah lu hdră êlan msĕ si iêo jak, ba yua ai dưi duh bi liê, hdră kiă kriê klă mngač, đăo knăl, khăt jih dŭm hdră amâo mâo tŭ jăk…
Phung bi ala sa ai hŏng hdră êlan mơ̆ng Knŭk kna bi klă thŭn 2026 jing thŭn mđĭ hnơ̆ng jăk phung knuă druh nah gŭ. Knuă druh gưl să mâo bruă klam leh anăn bruă knuă dưi jao lu. Kyuanăn mñă brei mâo hdră mtô mjuăt čiăng mâo djăp klei čuăn. Phung bi ala uêñ mĭn kơ klei mtăp mđơr êkei mniê, dlăng anăn jing mta phŭn čiăng mâo mta kñăm mđĭ kyar hơĭt kjăp, mă anak mnuih jing mta kñăm.
Viết bình luận