Anei jing klei mprăp yuôm bhăn čiăng rơ̆ng bi leh klei đru kơ grăp čô êlâo kơ hruê knhal tuč 31/8 hluê si klei bi klă mrô 183 mơ̆ng Phŭn bruă kđi čar. Truh kơ ară anei, Dak Lak tla leh prăk đru kơ 709 hlăm 2.608 čô dưi dưn hluê si hdră mtrŭn mrô 178, hŏng ênoh prăk êbeh 704 êklai prăk. Bi adôk 1.899 čô, čiăng mâo êbeh 2.164 êklai prăk. Knơ̆ng bruă ngăn prăk čar Dak Lak brei thâo găn prăk mơ̆ng gưl dlông mâo mta kñăm êbeh 626 êklai prăk, ngăn prăk čar 195 êklai prăk, adôk kƀah êbeh 1.343 êklai prăk dôk mñă kơ gưl dlông mkăp bi mbŏ.

Hồ Thị Nguyên Thảo, k’iăng khua bruă sang čư̆ êa čar Dak Lak mñă kơ dŭm knơ̆ng, dhar bruă, alŭ wăl ksiêm dlăng, mbŏ hră mơar, rơ̆ng bi djŏ klă leh anăn bi kƀĭn čiăng kơ Phŭn bruă ngăn prăk mkăp ngăn prăk, tla ênŭm kơ phung knuă druh, phung mă bruă knŭk kna leh anăn mnuih mă bruă djŏ hŏng klei čuăn.