Anôk bruă pui kmlă Dak Lak ară anei dôk kiă kriê 14 anôk mlih hnơ̆ng pui kmlă 110kV hŏng êbeh 1.200 kdrăp yua nao mbĭt.Mŭt hlăm yan hjan hlĭm, knơ̆ng bruă pui kmlă Dak Lak ngă leh dua gưl lông ksiêm klei êđăp ênang ti dŭm anôk mlih hnơ̆ng pui kmlă, ksiêm dlăng bi doh dŭm kdrăp yua čiăng bi êran pui kmlă êđăp ênang leh anăn tŭ dưn.Bruă lông bi êran ti dŭm anôk mlih hnơ̆ng pui kmlă 110kV kñăm kơ bruă ksiêm dlăng klei mnah pui, kăt mgang grăm, klei krơ̆ng…êjai mâo hjan hlĭm.

Mbĭt anăn dŭm anôk bruă mđĭ hĭn ênoh mnuih ngă bruă bi doh, mkra bi jăk dŭm kdrăp yua leh anăn mgaih msir dŭm boh klei ti anôk mlih hnơ̆ng pui kmlă. Hlăm dŭm gưl ngă bruă, Knơ̆ng bruă pui kmlă Dak Lak dưi hmao ƀuh, mgaih msir 15 anôk êdu kƀah djŏ tuôm hŏng rơle, bi kluôm dŭm kdrăp yua čiăng bi hrŏ klei truh tơl, mđĭ klei đăo knang bruă mkăp brei pui kmlă.