Anăn jing: Hdră mtrŭn kơ bruă ksiêm dlăng mơ̆ng Bruă kƀĭn ala; Hdră mtrŭn kơ bruă ksiêm dlăng mơ̆ng Êpul gơ̆ng bruă ƀuôn sang leh anăn Hdră mtrŭn kơ klei ksiêm dlăng hră mơar hlue si hdră bhiăn. Bruă mtrŭn Hdră mtrŭn amâo djŏ knŏng hrô kơ hră mơar jih klei dưn yua ôh, ƀiădah lŏ msir klei mtŭk mtŭl, kƀah sa anăn hlăm boh sĭt hlăm klei ksiêm dlăng hlăm wưng êgao; mơ̆ng anăn mđĭ boh tŭ ksiêm dlăng, mđĭ kjăp, klei bhiăn ktuê dlăng klei dưi, mbĭt anăn mđĭ lar bruă klam Bruă kƀĭn ala leh anăn Êpul gơ̆ng bruă ƀuôn sang dŭm gưl.

Ăt msĕ mơh hlăm mmông tlam, Dhar bruă kƀĭn ala bi mklă Hdră mtrŭn kơ hnơ̆ng čuăn anôk bruă hră mơar leh anăn Hdră mtrŭn mbha mta ƀuôn prŏng; Hdră bruă mơ̆ng Dhar bruă kƀĭn ala thŭn 2026; Ksiêm dlăng Klei bi kƀĭn tal 10, Bruă kƀĭn ala gưl XV leh anăn brei klei blŭ mguôp tal êlâo kơ bruă mprăp klei bi kƀĭn tal sa, Bruă kƀĭn ala gưl XVI.