Hluê ngă Hdră mtrŭn mrô 154 thŭn 2025 mơ̆ng Knŭk kna, hruê 29/1/2026 čar Lâm Đồng ba mdah leh Hdră bi hrŏ ênoh mnuih mă bruă thŭn 2026. Hdră kčah anei kñăm lŏ mkŏ dăp, bi khuăt anôk bruă, mđĭ boh tŭ hdră mă bruă mơ̆ng anôk bruă knŭk kna ti alŭ wăl. Hluê anăn, hlăm thŭn 2026, čar Lâm Đồng tĭng mâo êbeh 605 čô knuă druh, mnuih mă bruă ti 104 anôk bruă, alŭ wăl hluê ngă klei bi hrŏ ênoh mnuih mă bruă.

Hlăm anăn, 468 čô mdei êlâo kơ thŭn mdei dưi bi kčah, 137 čô mdei dưn hdră mtrŭn mdei bruă. Čar Lâm Đồng bi mklă mta kñăm amâo djŏ knŏng bi hrŏ ênoh mnuih mă bruă, ƀiădah lŏ wĭt mkŏ săp, mđĭ hnơ̆ng thâo êpul knuă druh, mkăp djŏ hŏng bruă klam hlăm boh klei mrâo, mđing truh kơ hdră mkŏ mjing anôk bruă khuăt, knhâo, ngă bruă tŭ dưn./.