Hlăm klei bi tuôm anei, êpul mâo klei hâo mdah: Klei bi kƀĭn tal 10, bruă kƀĭn ala gưl 15 srăng mkŏ mjing mơ̆ng hrue 20/10 truh kơ hrue 12/12 Bruă kƀĭn ala srăng ksiêm dlăng, bi mklă 43 klei čih mkra hdră bhiăn, hdră mtrŭn; 12 mta bruă kơ klei duh mkra ala ƀuôn lehanăn kơ dŭm bruă yuôm bhăn mkăn…

Phung bi ala kơ mnuih ƀuôn sang čar  Lâm Đồng bi êdah klei đăo knang kơ klei Đảng kiă kriê, klei bruă kƀĭn ala ksiêm dlăng, klei knŭk kna gĭt gai kơ bruă mđĭ kyar klei duh mkra ala ƀuôn, rơ̆ng dưi mâo klei êđăp ênang kơ lăn čar. Mnuih ƀuôn sang čang hmăng hlue ngă pral klei phŭn bruă kđi čar gĭr gai hlue ngă bruă sang hră mơar, rơ̆ng bi mâo sa hdră êlan kjăp kơ hdruôm hră hriăm hlăm kluôm ala. Mnuih ƀuôn sang hlăm dŭm boh ƀuôn hgŭm taih kbưi hlăm čar čang hmăng mâo duh bi liê bruă mkra êlan klông pioh găl ênưih kơ klei găn êrô hdĭp mda mnia mblei. Bruă mơ̆ng sang čư̆ êa dua gưl ară anei ăt dôk mâo lu klei gun kpăk, mghaih msir bruă knuă dôk ka hmao lehanăn jăk ôh./.